6 >> SANGU LELADI BUNDA SAHSA

1. Ngupadi rejeki
Kudu ihktiyar sing temen
lan aja lali panembahe
uga seneng dana weweh
Marang sing kesrakat
Muga  bisa mbukak kanugrahan
290917

2. Duweni ati meneb
iku ora gampang
Kudu jembar lan jero pikirane
Ora grusa-grusu ...
yen katemben kagubel masalah

Aja kesusu gawe keputusan

Dileremake dhisik pikirane 

Kareben ora getun ing tembe mburine.
290917

3. Aja gampang coklekan ati
Eman-eman yen dinane dadi *bete
wong nyatane sing njalari gela
Wis ora kelingan
lho...lak tiwas heee
Mesema ya
290917

4. Samubarang kang katindakake
kanthi kaiklasan batin
Gusti Allah mesthi bakal ngijoli
Luwih gedhe
ngudi katentreman batin
iku luwih prayoga
290917

5. Aja rumangsa dadi wong sing susah 

Isih akeh sing luwih susah uripe
Kabeh wong duweni lelakon
Sandhungan anggep wae pacoban
sing nguwatake kateguhan dhiri
290917

6. Mikir ngenani sing durung kelakon
Sejatine malah ngribeti pikir
Dilakoni apa sing saiki dadi jejibahan
mengkone bisa ndadekake ati lejar
290917

7. Ing donya iki
Prakara susah lan bungah
wis dadi sandhangane ngaurip
tetepa duweni kateguhan iman
aja miyar-miyur
Apa maneh mung masalah sepele....
290917

8. Lelakon wingi
sing ora nyenengake
bisaa dadi pangilon
Mecaki dalane urip
Sing ora selawase lempeng
akeh enggok-enggokan 
Terep ati-ati lan waspada

9. Nglodhangake wektu
Kanggo mawas dhiri
Apa kang ndadekake ati butheg
enggal diresiki kanthi istiqomah
Mbokmenawa 

bisa ngilangi sanggan jroning ati...

10. Yen kita tansah tulus
ngayahi samubarang gawe
Ya..ora gampang ngersula
sumendhe marang ridhone Gusti
mesthi bakal numusake kanugrahan
290917

Bunda Lestari Sahsa Malika

Alhamdulillah....