13 >> SANGU LELADI BUNDA SAHSA

1. Kandhamu
bisaa nggegem kapitayan
Ing keteguhan iman
Amrih kuwat
Kaya watu karang
Ora gigrig
Marang jemlegure ombak
Sing matumpa-tumpa

2. nalika madya ratri
rembulane mesem
Kelingan
mbiyen dolanan
Nggelar klasa pandhan
ing plataran
Nembang kodhok ngorek
Bebarengan
*kangen

3. Dakturut dalan cilik
mbokmenawa isih ana
Ukara lan aksara
saka bapak lan ibu
sing biyen kaicir
kanggo kapitayan
Ngadhepi owahing jaman

4. Kelingan panjenengan
nuwuhake rasa kapang
Sekabehe pitutur
asring kabuncang
Katut iline angin

Apuranen aku ibu
Aku sinccubluk ing pakerti

5. Ibu
aku kangen
Ngrungokake
gremeng panjenengan
Nalika aku iwut wangsulan
sakecap dadi pitung kecap
Jebul kaya ngene
Lelabuhe dadi ibu

6. ibu
srengenge kencar
aku kangen
sambang tegal
Ndhudhah uwi gembili
Sinambi crita
Bocah angon
jare....
duwe japa idu geni 

Sing ngedap-edapi  lan sekti
Njur aku lan ibu mesem

7. Tresna iku ora dolanan
Ing endahe prasapa
Ning uga wujud ucap lan kanyatan
Aja nganti luh manjila telaga
kapilut ukara manis ning lamis

8. Ginambar endahing tresna sejati
antaraning abimanyu lan utari
Ing gebyar kelir natas wengi
dadi anteping ati
muga bisa tinulad para pasutri

9. sejatine urip kuwi gampang
ning urip sing sejati iku ora gampang
Artinya=
Ssungguhnya hidup itu mudah
tapi hidup yang ssungguhnya tidaklah mudah

10. Sibuk ngoreksi kekurangan liyan
satemene mung nglarani atine dhewe
ora ana wong sing sarwa sempurna
Ayo...*sinau pinter lan ngerti

040518

Bunda Lestaris Sahsa Malika

Alhamdulillah...