KALUNGSE

nggagas rumeksa cangkriman
jroning ati...
sadawane laku
tan kena sinasap pepinginan

labuh marang angen-angen

kaya durung nate wanuh
marang lurung dawa tanpa wates iki

kamangka saben mlebu metune napas
tansah binundhel
lan terus ginagas
nganti linu semeleh ati

rantas lembaraning rasa
lan lintang panjer rina
sing sayah ngembara

layone kemampul ing tengahing segara
mbok menawa pancen kudu ngendhang iline angin

kapitayan tumangsang ing pang-pang mega
kekendhelan sing mung keri sakmenir

musna kabuncang
gilir gumantining mangsa

#sumber kumpulan gurit