20 >> SANGU LELADI BUNDA SAHSA

1. astamu sing kebak pangayoman
swaramu edhum ing pangeman
lungit pangarasing asihmu
Dumadakan ngglandhang angenku
Ing edining kenangan

2.
marang panjenengan
ing tebih paran
wis pirang mangsa
roning katresnan
Gogrok sadawane dalan
saben kumleyange
ninggal tatu katresnan

3. Yagene durung prapta?
Gurit tresna ing kedhep netra
sing saben dina
dakkirim ing semilir samirana
Bareng mega jingga
Anelahi cakrawala

4. Isih gumantung
ing impen klawu
kabur kanginan tanpa aran
Ngenteni tembung katresnan
pindha ngajab tetesing bun
Ing bedhug ndrandhang

5. nglakoni urip bener,becik,pener
murih bisa ‘titis ing pati’.
'tegese 

Ora ngrembuk suwarga lan neraka
Ning nut prentahe Gusti lan ngedohi pepacuhe
Urip ing dalan bener 

Nganti ing titi wanci ngadhep Gusti

Kanti chusnul khotimah

6. Emosi sing makantar
Kerep ngobong apa wae
bebasan Panas setaun
Kabuzek udan sedina

Bisaa mekak hardane nesu
sing mung antuk kapitunan

7. Ujare kandha
Depresi asring dialami wong adiyuswa
Kanthi tandha
Rumangsa sedhih tanpa sebab
Krasa ora diajeni lan pikiran negatif liyane

8. Ngayahi pakaryan
Sinambi dolanan hape
Nyebar kebecikan
LEwat tulisan

alhamdulilah
*maturnuwun Gusti
Sedaya anugerah paduka

9.
pola pikir marang urip
sarwa cukup iku nyenengake
Nyatane Gusti Allah
tansah paring kanugrahan
Kabul sing kinudang <ati
maturnuwun Gusti

10.duweni kapitayan marang kekuatan dhiri
Kuwi pancen apik
Kareben ora ragu-ragu
Nindakakake samubarang tanpa sumelang
Ning ya..kudu duweni pertimbangan
Aja kejurung ing nepsu
Njur lali marang dalan bener
Nerak paugeran bebrayan
Pungkasane mung gegetunan