lumantar aruming ganda wangi
kang ginawa semilir angin
rinasa ngelus ati kang nandhang sepi
ana landhep kapang
nedya lelangen ing kedheping nettra
umpama sliramu ngerti
coba rungokna kumlesiking dhdha iki
pindha gemuruhe alun samudra
sauruting wengi tansaya ndadi
prasasat nunjem pulung ati
dhuh..yagene kudu taktemahi lelakon iki
wawayanganmu kang winungkus sepi
nasak jumejere kembang kaktus
anjalari gorehing ati
sesingidan ing walik impen-impen bisu
wengi rinengga deresing luh
nelesi ati kang garing
ing antarane tumiyubing angin
kekes njiret pangrasa
taktitipake getering kapang
marang kembang arumdalu
kareben nggawa crita saka atiku
ana kapang tetembangan jiwa
nemnbangake dhuhkitaning nala
ing wengi kang sepi
taksuntak sakehing rasa
ana larikaning gurit iki
senajan kala-kala kudu takbusek esem ngujiwatmu
kang anjalari atiku kelara-lara
ing penggiring impen wengi
ngupaya cahyaning rembulan
miyaki sakehing pepalang
naging apa ya bisa
aku mlumpati jurang kang dadi pepalang?
ahh.....bali takusapi iline
luh kang demleweren ing pipi
tansaya..adoh wewayangnmu
ninggalke aku
Tidak ada komentar:
Posting Komentar