14 >> SANGU LELADI BUNDA SAHSA

1. Aja seneng nggedhekake masalah
Kriwikan dadi grojogan
yen ora bisa ngendalikake emosi
Bisa mbebayani tumrap dhiri pribadine
uga kancane..

2. Wong sing jembar atine
Padhatan ora seneng
ngopeni rasa gething ing ati
Legawa nampa pacoban
semangat lan sumeleh
Marang kuwasa Gusti

3.
Sinau ngerteni lan mahami liyan
Sabar lan iklas ngrungokake curhate kanca
mbokmenawa..
Kanthi mengkono bisa ngurangi kesedihane
*empati

4. Akeh dalan kanggo ngupadi rejeki
ora usah iri marang kanca sing uripe mulya
Urip iku sawang sinawang...

5.
Pikiran sumpek bunek
bisa njalari
maneka lelara teka
Apa sing ngguleng ati
Prayogane disuntak
kanthi Curhat 
marang kulawarga utawa kanca

6. Owah-owahaning kahanan
Nut gilir gumantine wektu
rasa kemrungsung
pikiran ora jenjem
Enggal dileremake
kabeh bakal
Ngundhuh wohing pakerti

7. Ati sing tinarbuka
marang perubahan apa wae
Mesthi bisa nampa kahanan
Kanthi iklas
Samubarang laku krasa entheng
ora gampang nggresah..

8. Sik ta
Ngene lho....
yen kabeh wong kudu padha
karo pemikiran penjngn
Ya angel...

wong bisa wicaksana lan dewasa
Merga nate nglakoni salah ta??

9. Ing urip sapadinan
ngupaya
Cukup samubarang
iku pancen penting 
Ning ana sing luwih aji
Yaiku ngudi resiking jiwa
menep ing rasa....

10. Saiki akeh wong awu-awu
sing Asring diarani modus
Ketoke apik ing tataran lair
Ning satemene lamis lan wengis
kudu eling lan waspada