IBU

IBU
.
saben mlebu metune napas
tansah rinoncen donga
wilanganig pangucap
kebak rasa welas asih
solahbawa tan ginawe
prasaja satemah gawe rena
tumrap sapa wae
mligi garwa lan para putra
.
menika kang aran ibu
jiwa cumadhong mring panadhang
kebak rasa panarima
teteg teguhing rasa
anjalari tentrem kulawarga
sabda kawedhar winungkus donga
ibu....
ing asta panjenengan
rinipta santosaning jiwa raga
tangguh ngadhep kahanan donya.
.
ibu....
sembah sungkem para putra
tansah katur ing pangkon panjengan
nyuwun lumebering samudra pangaksama
nganti seprene dereng saged damel rena
kepara damel cuwa lan nelangsa
ibu..panjenengan wanita mulya
widodarine garwa lan para putra.




**lest sm,220916

PITUTUR BECIK

Sing jenenge piwulang aji/pitutur becik il
Iku bisa saka sapa wae.
contone saiki akeh mutiara kata utawa kata bijak
sing gampang diwaca ing sosmed.
sing akeh-akehe ngajak marang kita
Sami duweni kaprigelan
Nintingi prilaku salebeting gesang ing alam bebrayan.
urip pranyata ora mung saderma mburu drajad lan bandha
minagka prasaratane ngaurip
nanging ati lan rasa
Uga diupayaake mekar
Amrih bisa dadi tetimbagane
Anggone jumangkah kanggo kabagyan lair batin.
.
lelakoning manungsa pancen owah gingsir
Lan akeh kedadeyan sing kadhang ora dinuga.
wingi bungah saiki ora kanyana bisa susah.
.
kaendahan alam kang ginelar ing sakiwa tengen kita
Bisa dadi colok madhangi ati
Kang nembe ruwet.
sorote srengenge esuk
kedhepe kartika
Kemriciking banyu bening mili
sarta arum kembang lan ijo gegodhongan
yen kita gelem ngematake bisa ngresepake ati lan mbenigake pikiran.
saengga nuwuhake wirama bungah sing angel digambarake.
nuwuhake greged anyar
sawise awak sayah pikiran lungkrah
Ngadhepi rutinitas penggaweyan sing banget meres uteg.
.
urip ing jaman saiki kanthi maneka masalah
Kkudu pinter-pinter nata ati
amrih pikiran bisa adhem lan ayem.
perlu duweni keseimbangan antarane kebutuhan lair lan batin.
.
**lsm

LANDHEP AYANG-AYANG

LANDHEP AYANG-AYANG
.
Ing lebet ati isih ginarit abang
perihe kacocog landhepe ayang-ayang
kedlarang ing lurung pangumbaran
nganti seprene nipakake tatu
Sing njalari ati kelaran
dununge sambat wis ora wilangan
Senajan ta rapuh angga sempoyongan
ora takrasa babar pisan
jangkahku isih jejeg....
senajan tatu iki durung ilang
.
wengi kang sepi....
Dakcritakake marang langit
ing saben grombolane mega
taksampirake angen-angen
mbokmenawa bisa dadi rowang
ngancani aku mbopong sanggan
ngudhari bundhelan
sing ngrenggani dhadha
ing saben unjal ambegan
.
aku isih kelingan
lan selawase.tansah kelingan
nalika panjenengan kirim siji cangkriman
ngenani munyere rodha panguripan
uga bapa adam lan hawa sing kapeksa nampa paukuman
ahh...kabeh mung saderma ngecake lelakon
sing tak ngerteni ...
aku kudu lila ngeculake impen-impen
kumleyang gogrog ing sumilire angin mangsa ketiga ....
Aku pamit saka papan atimu
Lilanana aku lunga kmas
Pancen tresna iku ora mesthi nyawiji
Ing kalane kudu kandheg ing wates pangerten
kabeh mung saderma nglampahi
tresna suci iki daksimpen ing endahe memory.
.
**lest sm,220916

AKU INGIN MENULIS ...

Menulis bagiku adalah salah satu terapi yang baik saat sedang merasa *sendiri/terabaikan/kecewa/sepi di keramaian...
siapapun pasti pernah merasakan seperti itu.
dan knpa tdk aku tuangkan dlm sebuah tulisan walau kemampuan menulisku blm seberapa tapi ingin aku ekspresikan dan tertuang manis untuk mengungkapkan sesuatu melalui tulisan.
.
kata temanku...
Menulislah sebagai terapi untuk menyembuhkanmu dari rasa stress yang melanda lalu publikasikan di blog, media sosial atau kamu bisa menyusunnya dalam sebuah buku yang kamu terbitkan sendiri,
.
tulisan yang dihasilkan dari perenungan yang dalam biasanya akan menyentuh orang lain sehingga mereka juga akan merasakan apa yang kamu rasakan.
dan jangan risau jika temanmu ada yg tdk suka,
kata-kata bersayap biasanya akan menimbulkan multi tafsir,
tetap jd diri sendiri .
dan sangat menyenangkan sekali jika ada yang membaca tulisan kita dan mengomentari/
memberikan saran pada kita, sehingga kita tak lagi merasa sendiri dan terhibur dng kehadiran banyak teman yg peduli..
.
.
**terimakasih nasehatnya..

PENGKUH

PENGKUH
.
Yen tansah pengkuh
kiwa tengenmu bisa pekewuh
ora ana gemreneng sapa aruh
eman yen endahe pasuryan
pinaes sorot kawengisan
srengenge wis meh angslup ing sisih kulon
apa iya jangkahmu isih nerusake lakon?
ngoyak bandha sarana kemunafikan
pangrasa dadi atos pindha dalan aspalan
ora mikir yen kabeh ana pungkasan
sadawane dalan ndhedher kesrakahan
malah wis dadi pakulinan
tansaya ngumbar kadurjanan.
.
lsm,031215

KATUR SIMBAH

Ing peteng lelimengane nala
dakjejegake pirang-pirang pang
kang sauntara dhoyong
mentiyung ing sadhengah arah
Kanggo prenjak-prenjak kang
sasuwene iki miber ngoyak impen
ing parak esuk iku minangka seksi
ing antarane kumandhange adzan subuh
dakronce donga
dakiring kanthi iklas
simbah sing daktresnani titiwanci sowan Ngarsaning Gusti...
.
ing lumebering telaga wening
lan ringkihing pengarep
dakranggeh kekendelan
ngenam sewu kapitayan
ing sela-sela pang palereman
kala-kala dakcritakake udan ngreceh wayah wengi
engga nelesi ari lan ati
lan panas sing kadhang sinunggi
aku mung pengin kandha...
aku wis sinau marang jembare segara
senajan kaya njlumati inten ing tumpukane kulit pari
ning aku iklas...
.
isih pengin takgurit
saka detake jantung iki.
Saka tetesing luh kang tulus
ing antarane donga pamuji
.
kidung wengiku durung rampung ning geneya panjengan wis ora kersa..?
mbokmemawa raga sepuh wis sayah...
Ing adhem lan sepining wengi
isih dakgegem sekabehing pitutur
kanggo mbacutake laku
minangka jimat mecaki lurung panguripan
sing nyimpen mayuta wadi sinandi
.
sugeng tindak mbhyut....
katresnan putra wayah tansah mili
uga donga -. donga pamuji
mugi mapan ing swarganig Gusti .
.
Aamiin..yaa robball aalamiin.
.
ngadiluhur,310816

GETER TRESNA

wengi iki nugel sepi
miyaki dununge tresna sing wis klawu
aku nate kandha
pancen wis suwe lali
sunar lilin sing takkanthi muga amadhangi lurung ati
dumadakan peteng keterak semilir angin
rasa njekut lan wedi dadi siji
njur dakleremake gemuruhe ati
sumendhe ing angete tresna kang isih kasisa
ya...pancen ora dakselaki
tresna iki isiih daksimpen dadi wadi
ing kalane rembulan pucet ngrerujit ati
saben-saben mbebeda nala
ngrampas esem sing wingi semburat manis
saiki alum nyedhaki garing
.
jaremu jagad iki minangka saksi
selawase ora bakal cidra janji
isih mbrengengeng prasetyamu
mbiyen ing sangisore rembulan sak alis
kanthi sayuta pengarep sundhul wiyati
tumetese luh ing antarane esem
pindha kekitrang ing antarane lintang..
maturnuwun... .Gusti
senajan sepi iki tetep ngrenggani ati
nanging...isih dakrasakake gedhene kapang
Sing nrajang kanyatan
senajan aku lan sliramu mokal bisa sesandhingan
aku ngerti...
ing kene isih dakrasa geter
tresnamu
tinali ing sawijining sendhang kenangan.
.
*lest sm.juni 16
Bunda sahsa malika ngadiluhur

MBOK MENAWA

mbokmenawa iki sing jenenge kangen
rasa sing tinabuh gemuruh ing jroning qalbu
ing kedhep netramu kang sumunar
kaya wawa kang kuwawa ngobong
sakujur rasa
grahana meh wae oncat
mbokmenawa...
peteng iki amung sauntara
dakanti parak esuk
bagaskara mesthi mesem
apa iki sing diarani kangen?
.
umpama ora daksuntak
rerasan batin iki
mesthi dadi pangggresah
ing sadawane wektu
ing sadawane dina
.
kmas...
iki kangen sing daksimpen
rinenggan ing kalpikaning ati
saben-saben tansah alelewa
pindha sateguk banyu tawa nelesi dhadha
ahh..mbokmenawa kapitayan iki isih ana
aku bakal mlayu kekitrang ing sela-selaning mega
nitipake rasa sing takduweni
nanging...kangen iki mung keplok tangan siji
pancen tresna iku ora mung kandheg ing pangelembana
ning mbutuhake kekendelan sing tanpa umpama.
.
**lest sm,mei2016
Bunda sasa malika,ngadiluhur

APA IKI SING DIARANI KANGEN?

.
mbokmenawa iki sing jenenge kangen
rasa sing tinabuh gemuruh ing jroning qalbu
ing kedhep netramu kang sumunar
kaya wawa kang kuwawa ngobong
sakujur rasa
grahana meh wae oncat
mbokmenawa...
peteng iki amung sauntara
dakanti parak esuk
bagaskara mesthi mesem
apa iki sing diarani kangen?
.
umpama ora daksuntak
rerasan batin iki
mesthi dadi pangggresah
ing sadawane wektu
ing sadawane dina
.
kmas...
iki kangen sing daksimpen
rinenggan ing kalpikaning ati
saben-saben tansah alelewa
pindha sateguk banyu tawa nelesi dhadha
ahh..mbokmenawa kapitayan iki isih ana
aku bakal mlayu kekitrang ing sela-selaning mega
nitipake rasa sing takduweni
nanging...kangen iki mung keplok tangan siji
pancen tresna iku ora mung kandheg ing pangelembana
ning mbutuhake kekendelan sing tanpa umpama.
.
**lest sm,mei2016
Bunda sasa malika,ngadiluhur

GURIT ATI KANGEN

nalika sepi mrambati ati
ana pitakonan kang tansah ngebaki dhadha
umpama aku isih dadi wewayanganmu
yagene nganti seprene ora nate kok aru biru
kembang mawar jare tandha tresnamu saiki wis garing
mbarengi ilange kapitayan sing wingi nate pinaes asri
ing pot-pot katresnan
nganti lintang-lintang padha takon
yagene sunare rembulan katon kusem?
mega-mega sesidheman ninggalake bawera biru
uga semringahe prenjak ing plataran
melu wurung nyangking warta
saka tlatah pangumbaran
tumeka gegodhongan gogrok kasulih mangsa
.
kabeh padha ngabarake yen ta
mangsa ketiga isih dawa
Yagene kokpunggel pupuse kembang melathi
kang rimonce edi
ing endahe janji?
ahh... ati tansaya nglangut
kangen iki uga isih ngrenggani ati
Tansaya ndadra tanpa tepi
senajan ta winates ing pengangen
Kayadene ngoyak impen kalungse
ning nyatane kuwawa
ngubek-ubek pangrasa
Rina lan wengi binundhel sajroning dhadha.
.
geguritan iki mung pengin kandha
aku kangen kmas
marang gojeg lan asihmu...
kangem solah bawa lan swaramu
dhuh...kangmas
kangen iki tansah kepatri
Tinatah pindha relief candhi
Taksuwun panjenengan uga ngerti?
.
**lest sm ,140516
Bunda sahsa malika,ngadiluhur

ING PLAYUNE WEKTU

srengenge ing tritis esuk
krasa anget maya-maya
kembang tebu rinengkuh bun
kadhekep kanthi kebak sayang
pindha wektu sing dakeman
nalikane aku wegah ngeculke impen
sing mrambat ing gapurane siyang
.
esuk iki gragapan tangi
engga gendandapan nguber playune wektu
keponthal-ponthal sadawane lurung
kebak watu
ing kalane nipakake tatu
apa aku wedi katlikung?
sing diarani modernisasi?
aku ora ngerti....
yen aku mandheg mesthi aku keri
dening kemajuwane jaman saiki
senajan akeh ndadekake kita lali
marang sepira ta wates kekuwatane dhiri
polah tingkah terkadhang pindha gabah deninteri
.
nganti seprene mbuh wis pirang lembar angka-angka
ing kalender kobong dening umur sing tansaya tuwa
dadi crita klawu nggerenggani jroning dhadha
saben ganti warsa
wilangane mesthi suda
ahhh....kabeh mung saderma
anut gilir gumantine mangsa
wis takngerteni lakune titi kala
kaya angin sing sregep nggawa
layang saka paran
saperangan warta njalari ati goreh
nuwuhake tandha pitakon
.
paiting kasunyatan
sing kudu takprangguli
nanging panggah dakwaca
mbokmenawa....
duweni kawicaksanan dhiri iku pancen kudu ngliwati pait getir ing panguripan
kareben ing tembe mburi bisa ngaca kanthi trawaca
lan landhep ing paggrahita.
.
**lest sm
Ngadiluhur,balen
Tritis esuk,100916