WARTA SAKA ATI

liwat e-mail iki
dakkirim warta saka atiku
apa wis kokbukak
nganti seprene durung ana
pawangsulan
aku mung kepengin ngerti
apa isih ana rasa kapang

wacanen kanthi seneng
kaya aku nalika nulis iki
senajan kudu daksempal
pang wit jati
kareben ora ilang kapitayan
sing takduweni
pitakon tansah nguleng
apa wis bosen
yagene amung meneng

ahh..aku kok wedi
yen kokbusek aksara kang
wis tinata.

19 November 2014