isih katon ngalela
gumawang njejuwing ati
rinuket sepi sepa
sinempyok kembang trebela
sumimpen ing papan wingit
watu-watu pengkuh
ing pinggir jurang
aku wedi
taksawang ngisor jurang
peteng dhedhet lelimengan
ilang kapitayan
mecaki dalan rumpil kijenan
isih takgegem
suket teki kang dadi seksi
nalika ngenam prasetya
senajan nglinthing lan
garing
esemmu isih tinatah ing
kekayon
kebak sewu panjangka
takusapi tumetese luh
kelingan nalika aku
sumendhe ing dhadhamu.
#lest /okt14
8 Oktober pukul 9:18 ·
Tidak ada komentar:
Posting Komentar