GETER TRESNA

wengi iki nugel sepi
miyaki dununge tresna sing wis klawu
aku nate kandha
pancen wis suwe lali
sunar lilin sing takkanthi muga amadhangi lurung ati
dumadakan peteng keterak semilir angin
rasa njekut lan wedi dadi siji
njur dakleremake gemuruhe ati
sumendhe ing angete tresna kang isih kasisa
ya...pancen ora dakselaki
tresna iki isiih daksimpen dadi wadi
ing kalane rembulan pucet ngrerujit ati
saben-saben mbebeda nala
ngrampas esem sing wingi semburat manis
saiki alum nyedhaki garing
.
jaremu jagad iki minangka saksi
selawase ora bakal cidra janji
isih mbrengengeng prasetyamu
mbiyen ing sangisore rembulan sak alis
kanthi sayuta pengarep sundhul wiyati
tumetese luh ing antarane esem
pindha kekitrang ing antarane lintang..
maturnuwun... .Gusti
senajan sepi iki tetep ngrenggani ati
nanging...isih dakrasakake gedhene kapang
Sing nrajang kanyatan
senajan aku lan sliramu mokal bisa sesandhingan
aku ngerti...
ing kene isih dakrasa geter
tresnamu
tinali ing sawijining sendhang kenangan.
.
*lest sm.juni 16
Bunda sahsa malika ngadiluhur

MBOK MENAWA

mbokmenawa iki sing jenenge kangen
rasa sing tinabuh gemuruh ing jroning qalbu
ing kedhep netramu kang sumunar
kaya wawa kang kuwawa ngobong
sakujur rasa
grahana meh wae oncat
mbokmenawa...
peteng iki amung sauntara
dakanti parak esuk
bagaskara mesthi mesem
apa iki sing diarani kangen?
.
umpama ora daksuntak
rerasan batin iki
mesthi dadi pangggresah
ing sadawane wektu
ing sadawane dina
.
kmas...
iki kangen sing daksimpen
rinenggan ing kalpikaning ati
saben-saben tansah alelewa
pindha sateguk banyu tawa nelesi dhadha
ahh..mbokmenawa kapitayan iki isih ana
aku bakal mlayu kekitrang ing sela-selaning mega
nitipake rasa sing takduweni
nanging...kangen iki mung keplok tangan siji
pancen tresna iku ora mung kandheg ing pangelembana
ning mbutuhake kekendelan sing tanpa umpama.
.
**lest sm,mei2016
Bunda sasa malika,ngadiluhur

APA IKI SING DIARANI KANGEN?

.
mbokmenawa iki sing jenenge kangen
rasa sing tinabuh gemuruh ing jroning qalbu
ing kedhep netramu kang sumunar
kaya wawa kang kuwawa ngobong
sakujur rasa
grahana meh wae oncat
mbokmenawa...
peteng iki amung sauntara
dakanti parak esuk
bagaskara mesthi mesem
apa iki sing diarani kangen?
.
umpama ora daksuntak
rerasan batin iki
mesthi dadi pangggresah
ing sadawane wektu
ing sadawane dina
.
kmas...
iki kangen sing daksimpen
rinenggan ing kalpikaning ati
saben-saben tansah alelewa
pindha sateguk banyu tawa nelesi dhadha
ahh..mbokmenawa kapitayan iki isih ana
aku bakal mlayu kekitrang ing sela-selaning mega
nitipake rasa sing takduweni
nanging...kangen iki mung keplok tangan siji
pancen tresna iku ora mung kandheg ing pangelembana
ning mbutuhake kekendelan sing tanpa umpama.
.
**lest sm,mei2016
Bunda sasa malika,ngadiluhur

GURIT ATI KANGEN

nalika sepi mrambati ati
ana pitakonan kang tansah ngebaki dhadha
umpama aku isih dadi wewayanganmu
yagene nganti seprene ora nate kok aru biru
kembang mawar jare tandha tresnamu saiki wis garing
mbarengi ilange kapitayan sing wingi nate pinaes asri
ing pot-pot katresnan
nganti lintang-lintang padha takon
yagene sunare rembulan katon kusem?
mega-mega sesidheman ninggalake bawera biru
uga semringahe prenjak ing plataran
melu wurung nyangking warta
saka tlatah pangumbaran
tumeka gegodhongan gogrok kasulih mangsa
.
kabeh padha ngabarake yen ta
mangsa ketiga isih dawa
Yagene kokpunggel pupuse kembang melathi
kang rimonce edi
ing endahe janji?
ahh... ati tansaya nglangut
kangen iki uga isih ngrenggani ati
Tansaya ndadra tanpa tepi
senajan ta winates ing pengangen
Kayadene ngoyak impen kalungse
ning nyatane kuwawa
ngubek-ubek pangrasa
Rina lan wengi binundhel sajroning dhadha.
.
geguritan iki mung pengin kandha
aku kangen kmas
marang gojeg lan asihmu...
kangem solah bawa lan swaramu
dhuh...kangmas
kangen iki tansah kepatri
Tinatah pindha relief candhi
Taksuwun panjenengan uga ngerti?
.
**lest sm ,140516
Bunda sahsa malika,ngadiluhur

ING PLAYUNE WEKTU

srengenge ing tritis esuk
krasa anget maya-maya
kembang tebu rinengkuh bun
kadhekep kanthi kebak sayang
pindha wektu sing dakeman
nalikane aku wegah ngeculke impen
sing mrambat ing gapurane siyang
.
esuk iki gragapan tangi
engga gendandapan nguber playune wektu
keponthal-ponthal sadawane lurung
kebak watu
ing kalane nipakake tatu
apa aku wedi katlikung?
sing diarani modernisasi?
aku ora ngerti....
yen aku mandheg mesthi aku keri
dening kemajuwane jaman saiki
senajan akeh ndadekake kita lali
marang sepira ta wates kekuwatane dhiri
polah tingkah terkadhang pindha gabah deninteri
.
nganti seprene mbuh wis pirang lembar angka-angka
ing kalender kobong dening umur sing tansaya tuwa
dadi crita klawu nggerenggani jroning dhadha
saben ganti warsa
wilangane mesthi suda
ahhh....kabeh mung saderma
anut gilir gumantine mangsa
wis takngerteni lakune titi kala
kaya angin sing sregep nggawa
layang saka paran
saperangan warta njalari ati goreh
nuwuhake tandha pitakon
.
paiting kasunyatan
sing kudu takprangguli
nanging panggah dakwaca
mbokmenawa....
duweni kawicaksanan dhiri iku pancen kudu ngliwati pait getir ing panguripan
kareben ing tembe mburi bisa ngaca kanthi trawaca
lan landhep ing paggrahita.
.
**lest sm
Ngadiluhur,balen
Tritis esuk,100916

ING TELAGA TRESNA .

ING TELAGA TRESNA
.
.
Ing esuk iki krasa angin kumlebat
ngelus kulit ari tembus jroning ati
ngobahake gegodhongan lan tekad
sinareng angete esem srengenge
ing lurung sing isih teles
miyaki sisa grimis wanci wengi
isih dakpecaki sauruting telaga wening
banyu kang alerap tansaya ngawe -awe
tansaya gumregah jangkahku
kaya ana sing mbage tekaku
senajan kembang suket isih njekethet..
mripat isih arip...
aku wis ana kene
Kinemulan pedhut atis
ora ndak rasa
Merga gedhene Kapang mring kasulistyanmu
Mencorong kapradha emas
dhuh...mbok aja mbebeda ati
leganana aku kang nyunggi kapang
.
delengen iki...
wiwit sepretelon wengi
wis dak antu nganti ora eling wektu
enggal teka yaa..
senajan mripat-mripat kae
mbalang sujana ing landhepe panggrahita
aku ora kedher
isih panggah kejer
aku ora predhuli
ora jinja lan mangu-mangu
mangertenana....
sadurunge aku jejeg ing pinggir telaga
aku wis nggembol sangu
dakkukuhi kanthi keket
aja nganti mbrojol ilang
kang tinali ing rajah tangan
minangka peparing saka kanjeng ratu
ratu sekabehing ratu
yaiku Gusti kang maha agung
.
yagene sliramu alelewa
nyedhaka mring aku
sapetemon iki wis dakgadhang
aja gawe atiku poyang-payingan
saka lebeting ati kang tulus
daksuwun kanthi lila
Kene-kene lungguh ing pangkonku
aku kang kajiret  geter rasa
dakukir asmamu ing pinggir telaga
Daksayang nganti nyawa pisah ing raga
Aku kang nandhang kapang....
.
**ngadiluhur,150816

TENTANG KEBAIKAN

RENUNGAN PAGIKU
.
Pada saat kita bersikap ramah atau ingin berbuat baik,dan atau kadang memberikan nasehat seringkali dianggap menggurui oleh orang lain, bukan tidak mungkin dijadikan musuh. Niat baik saja tidak cukup untuk menyentuh hati orang lain, meskipun sesungguhnya Gusti Allah sangat berbahagia melihat seorang hamba ikhlas saat diberi nasehat.
Sesuatu yang baik tentu akan berakhir dengan baik, namun bukan berarti niat baik akan selamanya mendapat tanggapan yang baik pula. .
Reaksi yang beragam dari niat baik bukanlah sesuatu yang harus dipikirkan, ikhlas ketika niat baik tidak diterima, dan biarkan saja niat baik di salah artikan. Yang terpenting niat baik kita karena ikhlas, bukan untuk sesuatu yg negatif. Toh, pada akhirnya, Gusti Allah jua yang akan membalas kebaikan kita.
Berterima kasihlah kita diberikan orang-orang yang masih peduli dengan kita, niat baik seseorang saat memberikan kebaikan berupa sapa yg ramah atw nasehat meski kita tolak mentah-mentah, bukankah itu salah satu cara Gusti Allah untuk menegur kita, hanya saja Allah menghadirkan seseorang sebagai perantaranya. Niat seseorang cukup Allah yang menilai dan kewajiban kita adalah berbaik sangka.
.
Kembalikan saja semuanya pada Allah, sebab kita diperintahkan Allah tidak untuk menebak hati manusia, apalagi menempatkan vonis atas dasar dugaan...
.
SEMANGAT PG KAWAN...LUP YU ALL😍😍