SAYAH LUNGKRAHING MANAH

Mbokmenawa sayah lungkrah 

Sing mbedhoyot jroning ati Iki

Minangka tandha ing mengkone bakal teka anane bungah 

Kanugrahan tan kanyana 

mbusek peteng lelimengan 

Sing gumandhul ing ros-rosaning jiwa 

Dhuh ati.... 

mangertiya yen Urip Iki 

Pancen ora selawase anteng  

Samangsa uga ana santere angin 

sing bisa mosak-masikake ledhunge rasa 

Senajan sepira daya kekuwatan sing kokduweni

Kanyatan sok bisa ngrubuhake pategaran kang mbokdhedher saben mangsa 

Pindha ron garing kumleyang 

Mung anut pandoming wektu kanthi dedonga sumendhe mring Gusti

Mugi kahanan bali jenjem 

Kaya sing mbokgadhang rina wengi

Senajan ilining luh tansaya apuh 

Kuwawa nyacah dhadha

Rojah-rajeh agawe pinggeting manah 

nganti njarem biru ...

Sing sabar ya..

Gusti bakal paring kawelasan mring titah sing tansah nrima mring pandum 

minangka lelakon urip kang kudu diprangguli

Wong ngalah bakal luhur ing 

Wekasane.. aamin ❤️

*Nglenyehke driji

Gurit imajinasi*sayah lungkrahing manah

220420