YA GENE WEDI

saben aku liwat ing kene

saktenane ana rasa wedi
sing angel takkandhaake

kanthi mlipir-mlipir
jumangkah kesusu
kringet dleweran
ngempet semrawute pikiran
sing grapyak kena dietung
driji

lirikan mripat liwat slira-sliri
saben dina nyawang kanthi
kebak pitakonan

pancen ora takselaki
dina-dina tansah mburu
wektu

banjur kapan olehku sinau
lan ngerti

kamangka kembang kang
kajejer asri

tansah ngawe-awe tekaku
senajan amung kuwi-kuwi
wae sing taksalami

muga isih ana wektu
nandur bebarengan
nguri-uri sastra jawi tansaya
edi.


#bda /okt14
20 Oktober pukul 15:06 ·