tumetesing banyu luh
mili sauruting pipi
nalika atiku kasempyok sepi
taketung prenthuling banyu
kang mrintis ing kaca jendhela
nambahi kekesing ati
wis takcoba mbusek asmamu
saka kanyatan dina-dinaku
nanging tansaya amber banyu
kang kutah ing kalbu
tresna kang mbokicir
anjalari atiku tansah
klelep lan kentir
kebacut semi lan trubus
dadi kembange pikir
nanging yagene sliramu
tega ninggalake aku
tanpa ngerti
kapan bisa bali nyawiji.
#lest_sm/18sept14
Tidak ada komentar:
Posting Komentar